De Stichting t Grunneger Bouk (ik loat de komma veur de t vot, dij heurt der nait) het n boukje stuurd, op eerste gezichte nait veul dees, dun, slap… Mor ja, n kedo is n kedo en n geven peerd mout je nait in de bek kieken. t Vaalt ook nog wel wat tou, aiglieks n hail schier boukje. inhold het KWALITEIT! Hou t hait?
"t Zwaart van ogen", der stoan gedichten in van PETER VISSER. Houveul? As ik goud teld heb, 20! En dxecn aan t xecnne ook nog n ‘verantwoorden’, bin je mooi kloar mit..

Peter Visser is in Kortenhoef (doar binnen we wel ains west, in jeugdherberg De Karekiet, mor doar hemmen we t loater nog wel ains over) geboren, mor in Mij groot worden. Nou e groot is, woont e in Sunt Annen, hai is schier verhogelandst! Hai schrift prachtege gedichten over snijklokjes en snijkerels, over hetten, spotvogels en…. Joa, kom even, je pakken t boukje der zulf mor bie. Wat zeg je? Je hemmen t nait? Gaauw melden as begunsteger van stichting t Grunneger Bouk, krieg je t boukje vergees. (Dit is al t vaaierndaartegste!)

Adres: Stationsstraat 11b, 9679 EA Scheemda (tel. 0597 591135)